Departamenti amerikan i Drejtësisë ka njoftuar krijimin e një task force për të mbrojtur të drejtën e grave për abort. Task force do të drejtohet nga zëvëndësprokurorja e përgjithshme Vanita Gupta dhe do të mbikqyrë qeveritë lokale dhe ligjet që kërcënojnë të drejtat e grave.

Mijëra njerëz në zi janë vënë në radhë këtë të martë për të bërë nderimet e fundit ndaj ish-kryeministrit japonez Shinzo Abe. Funerali privat, i cili është i hapur vetëm për miqtë dhe familjen e ngushtë, është duke u zhvilluar në tempullin Zojoji të Tokios.

Varianti i Omicron me emrin “BA.2.75” është zbuluar në Indi, Mbretërinë e Bashkuar, SHBA, Australi, Gjermani dhe Kanada. Virologët kanë shprehur shqetësime në lidhje me shfaqjen e një varianti tjetër të Omicron me përhapje të shpejtë, i cili po fiton me shpejtësi terren në Indi dhe tashmë ka mbërritur në Mbretërinë e Bashkuar.

Kohët e pasigurta të pandemisë Corona kanë sjellë lëvizje në tregun e punës. Kush fiton, kush humb? Disa kanë humbur e disa kanë përfituar nga kjo krizë.