Zjarr i madh në lartësitë e fshatit Goranxi në Dropull
Zjarr i madh në lartësitë e fshatit Goranxi në Dropull. Dyshohet se zjarri është provokuar nga barinjtë, që përdorin kullotat e zonës për të ushqyer bagëtitë.
Në vendin e ngjarjes po shkojnë forcat zjarrëfikese, pasi terreni është shumë i vështirë për të ndërhyrë me mjete të motorizuara. Mendohet se nën flakë deri tani janë disa hektarë kullotë dhe drurë pyjorë.
Situata e zjarreve në vend deri të premten, 29 korrik 2022 , sipas Ministrisë së Mbrojtjes:
Sipas të dhënave nga Qendra Kombëtare Operacionale e Emergjencave Civile gjatë 24 orëve të fundit janë raportuar 15 vatra zjarri, nga të cilat dy aktive:
Vatra aktive në:
• Fshatin Ndërshen, bashkia Mirditë.
• Fshatin Vinjollë, bashkia Kurbin.
Pas një pune të pandërprerë të forcave operacionale u bë i mundur izolimi i plotë i vatrave në:
• Fshatin Tomorricë, bashkia Skrapar.
• Fshatin Qukës Skëndërbej, bashkia Prrenjas.
• Fshatin Shetël, bashkia Shijak.
• Fshatin Karbunarë e Sipërme dhe fshati Balaj bashkia Lushnje.
• Fshatin Lalaj, bashkia Fier.
• Fshatin Peshkëpi, bashkia Selenicë.
• Uji i Ftohtë, bashkia Vlorë.
• Fshatin Qafë Mali, bashkia Fushë Arrëz.
• Mali i Jushit, bashkia Vau Dejës.
• Fshatin Grudë e Re, bashkia Shkodër.
• Fshatin Qarr, bashkia Has.
• Lagjen Nr.3, bashkia Kavajë.
Në aksionet për shuarjen e flakëve gjatë 24 orëve të fundit janë angazhuar 368 efektivë zjarrfikës, Forca të Armatosura, forca bashkiake, forca policore, punonjës të Administratës së Zonave të Mbrojtura, shërbimi pyjor, forca vullnetare, 26 mjete zjarrfikëse dhe një helikopter.
Helikopteri ka operuar në fshatin Ndërshen, Bashkia Mirditë dhe në fshatin Shetël, bashkia Shijak.
Përsërisim thirrjen për të gjithë qytetarët të jenë të kujdesshëm në çdo veprim që mund të shkaktojë zjarr. Mosraportimi në kohë i vatrave sado të vogla nxit përhapjen e tyre në sipërfaqe më të mëdha, ndaj bashkëpunoni me pushtetin vendor dhe shërbimin zjarrfikës!
