Është vënë nën kontroll por vazhdon të jetë aktive vatra e zjarrit në zonën e Liqenit të Zi në Belsh.

Terreni i thyer e ka bërë të vështirë punën e zjarrfikësve. Zjarri nisi fillimisht 4 ditë më parë. Të ndihmuar edhe nga zjarrfikëset e Elbasanit dhe Cërrikut shërbimet e emergjencave të Belshit arritën ta shuajnë zjarrin, por vatra u aktivizua sërish pasditen e së mërkurës.

Kryetari i Bashkisë së Belshit bëri thirrje për vënien para përgjegjësisë së autorëve.