Shoqata e Transportit paralajmëron ndërprerjen e aboneve në gusht "Shteti të na subvencionojë ose të rritet çmimi i biletës"
Unioni i Transportit Publik u ka kërkuar institucioneve shtetërore ndërhyrjen e menjëhershme për vijushmërinë e paketës anti-krizë ose përndryshe, në pamundësi të saj, do të rrisë çmimin e biletës. Po ashtu ata kanë paralajmëruar se për muajin gusht do ta kenë të pamundur të ofrojnë biletën mujore (abonenë), për shkak të gjendjes financiare.
Në një letër të hapur drejtuar kreut të Bashkisë së Tiranës, Erion Veliaj shkruhet:
"Drejtuar: Z.Erion Veliaj Kryetar i Bashkisë Tiranë
Për dijeni: Z. Taulant Tusha Drejtor i Përgjithshëm i Punëve Publike
Lënda: Informacion urgjent mbi mundësinë e ndërprejes së shërbimit të tranportit qytetës në mungesë të subvencionit.
Shoqata Kombëtare e Transportit Qytetës (SHKTQ), në vijim të shkresës së dërguar në dt. 06/05/2022 (bashkëngjitur) konfirmon edhe një herë se të gjithë operatorët e transportit qytetës, përpos vështirësive të shumta që kanë ndodhur si pasojë e pandemisë dhe tani sipas luftës në Ukrainë, kanë vijuar me ofrimin e shërbimit pa ndikuar cilësinë e tij.
Aktualisht, ruajtja e niveleve të larta e çmimit të karburantit si pasojë e luftës Rusi-Ukraine e ka vështiresuar akoma më shumë mundësinë e vazhdimit të këtij shërbimi.
Edhe pas përfundimit të ndihmës së parë anti-krizë nga qeveria në lidhje me kompensimin e çmimit të karburantit, të gjithë operatorët gjenden të përballur me inflacionin, çmimin e rritur të karburantit dhe derivative të tij, shtrejtësisë së pjesëve të këmbimit per mirembajtje, etj. Ndaj gjendja e vështirë vijon të jetë në të njëjtin ritëm rritës si në muajin Mars 22. Pra në kushtet e të njejtës gjendje financiare të rënduar dhe pa një subvencion nga buxheti i shtetit, për muajin gusht e në vazhdim, operatorët e kanë të pamundur të vazhdojnë të ofrojnë shërbimin e transportit qytetës në Tiranë.
Sa më sipër, kërkojmë nga ana juaj ndërhyrjen e menjëhershme për iniciimin e miratimit të vendimit subvenionues ana e qeverisë për vijushmerinë së paketës anti-krizë ose në pamundësi të saj rritjen e çmimit të biletës për ta kthyer shërbimin qytetës rentabël.
Sot, në ditën e paraqitjes së kësaj kërkese, në prag të fillim muaJit gusht, në emër të të gjithë operatorëve të këtij shërbimi ju konfirmojmë se, në mungese te suvensionimit te menjehereshem ato, për arsye të gjendjes financiare të krijuar e kane te pamundur tërheqjen pranë organit tatimor dhe shperndarjen e biletave te pajtimit mujor per muajin gusht. Me rezervat e gjendjes se karburantit të akumuluar mund ta ofrojme kete sherbim deri ne datat 30-31 korrik 2022, për më tej vazhdimësia mbetët e ndërvarur nga subvencioni hstetit.
I nderuar z.Kryetar, të ndërgjegjshëm për kohën e mbetur në dispozicion për zgjidhjen e situatës, shpresojme ne nderhyrjen tuaj te menjehereshme prane qeverise per vazhdimesine e paketes antikrize per te cbllokuar vazhdimesine e sherbimit urban.
Mbetemi të hapur dhe në dispozicion për cdo lloj bashkëpunimi për zgjidhjet më optimale në ofrmin e këtij shërbimi jetik për qytetarët.
Të përfaqësuar, Operatorët e transportit qytetës"
