FOTO/ Shi në male dhe diell në ultësirë, moti për javën që vjen
Për pjesën më të madhe të vendit, java e tretë e qershorit do të jetë me diell dhe vranësira.
Ndërsa pjesa verilindore, juglindja dhe perëndimi pritet të ketë reshje dhe shtrëngata shiu.
Shërbimi Meteorologjik Ushtarak ka bërë parashikimin e motit për 5 ditët e ardhshme.
Moti do të jetë si më poshtë:
Java që pritet të hyjë do të karakterizohet nga qarkullimi i masave relativisht të paqëndrueshme.
Në zonat malore e kryesisht në juglindje të vendit do të ketë mot me zhvillime vranësirash që do të pasohen nga reshjet e shiut e shtrëngatat veçanërisht në mesditë e pasdite.
Pjesa bregdetare parashikohet të ketë mot të kthjellët. Të enjten e të premten do të mbizotërojnë orët me diell.
Temperaturat do të pësojnë rritje kryesisht në mesditë.
Era do të fryjë e lehtë e mesatare në bregdet juglindje-veriperëndim pasuar me valëzim të forcës 2 dhe 3 ballë.
