Nga sot nuk do të lejohen më qeset plastike, gjobë edhe për konsumatorët
Nga dita e sotme, nuk do të lejohet me përdorimi i qeseve plastike nga subjektet apo qytetarët.
“Qeset plastike një përdorimshe konsideron si faktori kryesorë i ndotjes në mjedis. Vetëm në Shqipëri qarkullojnë mesatarisht rreth 3.2 miliardë gjatë një viti”.
Me nismën e dytë të qeverisë, të vulosur edhe në Kuvendin e Shqipërisë, paracaktohet që penalitetet të jenë jo vetëm për atë që shet një produkt me qese plastike njëpërdorimshme, por edhe për ata që blejnë, konsumatorët. Për këtë të fundit parashikohet dënim me gjobë deri në 500 mijë lekë, ndërsa për prodhuesit dhe importuesit gjoba deri në 1.5 milionë lekë. Por ka edhe masa më të rënda se kaq për shkelësit. Në radhë të parë sekuestrimi i të gjithë mallit që do të gjendet, sepse konsiderohet i paligjshëm. Nëse kjo përsëritet, do të hiqet licenca e aktivitetit për shkelësit e ligjit. Vendimi ngarkon disa institucione: Inspektoratin Shtetëror të Mbikëqyrjes së Tregut, Drejtorinë e Përgjithshme e Doganave dhe Agjencitë Rajonale të Mjedisit, të cilat duhet të raportojnë periodikisht çdo javë, duke filluar nga nesër pranë Agjencisë Kombëtare të Mjedisit.
Por jo të gjitha qeset plastike do të hiqen nga përdorimi.
“Qeset e plehrave, ato që shiten gjithandej për të ambalazhuar plehrat, të cilat më pas transportohen në koshat e bashkive, ato do të vazhdojnë të tregtohen dhe të lejohen. Do të jetë jo më pak se 70 mikron dhe mbajtëse e jo më pak se 10 kileve peshë”.
Ligji për ndalimin e prodhimit dhe tregtimit të qeseve plastike është në fuqi prej muajit Mars, megjithatë u krijua një hapësirë 2 mujore për këshillimin e subjekteve tregtare.
