Moti sot dhe nesër, 21 - 22 prill 2022
Gadishulli i Ballkanit po vijon të ndikohet nga qarkullimi i masave ajrore të paqëndrueshem në shtresat e larta të atmosferës të cilat do të kushtëzojnë edhe vendin tonë gjatë kësaj jave.
E enjte 21 prill 2022
Moti do të jetë me vranësira të dendura dhe reshje të pakta shi në mesditë. Era do të jetë me drejtim Jug-Lindje me shpejtësi 8-10 m/sek në bregdet. Valëzimi do të jetë i forcës 4 me lartësi vale 1,0 deri në 1,5 metër në det hapur. Temperaturat do të jenë pa ndryshime.
Temperaturat minimale dhe maksimale:
Zona malore 4/13°C
Zona e ulët 7/20°C
Zona bregdetare 11/20°C
Kosova, e enjte, 21 prill 2022
Moti do të jetë me vranësira reshje shiu dhe mjegull. Era do të jetë me drejtim Jug 8 m/sek. Temperaturat do të luhaten në ekstremet e tyre 2°C në mëngjes ndërsa në mesditë do të arrijnë vlerën 10°C -14°C .
E premte, 22 prill 2022
Moti do të jetë me vranësira të dendura dhe reshje me stuhi në zonën e Shkodrës dhe verilindje, ndërsa zona e ulët dhe jugu do të jetë me vranësira dhe kthjellime. Era do të jetë me drejtim Jug-Perëndim me shpejtësi 10-15 m/sek në bregdet. Valëzimi do të jetë i forcës 4 -5 me lartësi vale 1,0 deri në 1,5 metër në det hapur. Temperaturat do të jenë me rritje.
Temperaturat minimale dhe maksimale:
Zona malore 5/17°C
Zona e ulët 8/24°C
Zona bregdetare 11/22°C/ Sipas RTSH
