Sot dita e tretë, shiu vështirëson dhe më kërkimet për fëmijën që ra në lumin Fan
Vijojnë kërkimet në fshatin Shturngaj të Mirditës në ditën e tretë për gjetjen e trupit të 10- vjeçarit i cili ra në lumin Fan, Sevasian Laskës.
Kërkimet kanë rinisur sot që në orët e para të mëngjesit, por ende nuk ka asnjë rezultat. Reshjet e shiu po e vështirësojnë edhe më shumë gjetjen e të miturit. Familja pret në ankth.
Në operacion janë përfshirë 4 palombarë të forcave RENEA, të ndihmuar nga policia, zjarrfikësit dhe banorë të zonës
Fëmija ndiqte shkollën "Ndrec Ndue Gjoka" në Fan të Mirditës dhe atje, gjendja shpirtërore e shokëve dhe mësuesve paraqitet e rëndë.
Dom Gjergj Meta, Ipeshkëvi i Rrëshenit, ka bërë një thirrje: "Ju kërkoj të luteni për gjetjen e Sevasianit të vogël që ka rënë në lumin Fan duke luajtur me shokët. Shumë forca janë angazhuar përgjatë lumit Fan si policia lokale, bashkiake, Renea dhe vetë banorët e Fanit. Lutja dhe afërsia jonë janë një ngushëllim për familjarët e të voglit."
