Një lajm i mirë për emigrantët, patentat shqiptare priten të njihen së shpejti në Gjermani
Njohja e patentave shqiptare dhe kosovare për emigrantët me banim në Gjermani së shpejti pritet të bëhet më e lehtë.
Kjo do të diskutohet në mbledhjen e Këshillit Federal, më 11 Shkurt.
Lajmin e ka bërë të ditur Besnik Kelmendi, politikani shqiptar në Gjermani, pjesë e CDU-së.
“Ashtu siç ju kam informuar më 6 Janar 2022, mund t’jua them me siguri të plotë se sot zyrtarisht futet në rend ditë për seancën e ardhshme të Bundesratit, më 11 Shkurt 2022 çështja e patentave të shoferëve. Ky është një lajm shumë i mirë për të gjithë bashkëkombasit tanë që jetojnë apo që pretendojnë të zhvendosën në Gjermani”, shkruan në statusin e tij Kelmendi.
