Java nis me mot të paqëndrueshëm, por temperaturat mbeten të larta
Gadishulli i Ballkanit po ndikohet nga periferia e qëndrës ciklonike e pozicionuar në veri të Afrikës e cila do të kushtëzojë mot të paqëndrueshëm në vendin tonë në fillimin e javës por temperaturat do të jenë të larta .
E hënë, 8 nëntor 2021
Moti do të jetë me kthjellime dhe vranësira mesatare deri të dendura të pasuara nga reshje të pakta shiu te pakta në zonën veriore. Era do të jetë me drejtim Jug-perëndim me shpejtësi 8-15 m/sek në bregdet. Valëzimi do të jetë i forcës 5 me lartësi vale 1,0 deri në 1,5 metër në det hapur. Temperaturat do të jenë të larta.
Temperaturat:
Zona malore 8/21°C
Zona e ulët 8/28°C
Zona bregdetare 14/27°C
Kosova, e hënë, 8 nëntor 2021
Moti do të jetë me vranësira dhe mjegull të dendur. Era do të jetë me drejtim Jug-Lindje 8 m/sek. Temperaturat në ekstremet e tyre do të luhaten 11°C në mëngjes ndërsa në mesditë deri në 20°C .
E martë, 9 nëntor 2021
Moti do të jetë me kthjellime dhe vranësira mesatare deri të dendura të pasuara nga reshje të pakta shiu në zonën Jug-perëndimore. Era do të jetë me drejtim Veri-Perëndim me shpejtësi 10 m/sek në bregdet. Valëzimi do të jetë i forcës 3 me lartësi vale 0,5 deri në 1,0 metër në det hapur. Temperaturat do të jenë me rënie në mesditë.
Temperaturat:
Zona malore 10/20°C
Zona e ulët 11/25°C
Zona bregdetare 15/23°C/Sipas RTSH
