Rritet numri i të infektuarve në Shqipëri nga Covid, 4 persona humbin jetën
Gjatë 24 orëve të fundit në vendin tonë kanë humbur jetën 4 persona nga Covid-19. Sipas Ministrisë së Shëndetësisë gjatë këtyre orëve janë kryer 5480 teste nga ku 992 kanë rezultuar pozitivë, shifër kjo e cila është rritur ndjeshëm krahasuar me ditën e djeshme.
Njoftimi i plotë i MSH
Janë kryer 5480 testime, nga të cilat kanë rezultuar pozitivë me COVID19, 992 qytetarë, në këto bashki: 341 raste në Tiranë, 96 raste në Shkodër, 77 raste në Durrës, 40 raste në Lushnje, 34 raste në Elbasan, 33 raste në Fier, 25 Malësi e Madhe, 23 raste në Kamëz, 22 raste në Lezhë, Sarandë, Berat, 20 raste në Krujë, Kavajë, 19 raste në Kukës, Vlorë, 16 raste në Kurbin, 15 raste në Gjirokastër, 12 raste në Gramsh, 11 raste në Vorë, 10 raste në Has, Librazhd, 9 raste në Mallakastër, Dimal, 7 raste në Shijak, Devoll, 6 raste në Mat, Pogradec, Peqin, 5 raste Vau i Dejës, Patos, Libohovë, Skrapar, 4 raste në Bulqizë, Divjakë, 3 raste në Rrogozhinë, Dibër, Rroskovec, Tepelenë, 2 raste në Mirditë, Delvinë, Korçë, Cerrik, Belsh, 1 rast në Fushë-Arrëz, Klos, Selenicë, Dropull, Kolonjë.
Me gjithë përpjekjet e mjekëve, në 24 orët e fundit nuk e kanë fituar betejën me COVID19 katër qytetarë: një qytetare nga Lezha 60 vjeç, një qytetare nga Vlora 67 vjeç, një qytetar nga Berati 73 vjeç dhe një qytetar nga Librazhdi 79 vjeç.
