KQZ: Te behen publike CV dhe vetedeklarimet
Komisioni Qendror i Zgjedhjeve,vendosi me 7 vota pro që partitë politike që do të marrin pjesë në zgjedhjet e 18 qershorit, krahas listës shumëemërore të kandidatëve, të paraqesin dhe një jetëshkrim të shkurtër të secilit prej tyre.
Ky jetëshkrim, së bashku me formularin e vetëdeklarimit, do të jenë të aksesueshme nga të gjithë votuesit në faqen e internetit të KQZ-së.
“Për herë të parë bashkë me listën shumëemërore ne do të publikojmë edhe CV-në për çdo kandidat në mënyrë që kandidatët të kenë mundësi që të dinë se çfarë përfaqësojnë ata”, u shpreh kreu i KQZ, Denar Biba.
Gjatë kësaj mbledhjeje u miratua dhe buxheti total i zgjedhjeve të 7 majit në Kavajë, kosto e të cilave shkon në 7.298.450 lekë, si dhe u miratuan anëtarët dhe sekretari i KZAZ 42, ku PD dhe PR nuk kanë paraqitur asnjë kandidaturë.
Ndërkaq, Partia Socialiste u regjistrua zyrtarisht si pjesëmarrëse në këto zgjedhje.
