Rama bën edhe legalizimet pas projekteve për Lumin e Vlorës
Kryeministri Edi Rama, në ditën e tij të dytë të inspektimit në Vlorë, ka vijuar me shpërndarjen e çertifikatave të legalizimit për banorët e disa fshatrave. Rama, përmes batutave që ka shkëmbyer me banorët duke u dorëzuar vetë çertifikatat, tha se “legalizimet falas janë një histori suksesi që po zhvillohet me ritëm dhe përgjegjësi." Ai ka bërë dhe krahasimin: "21 mijë legalizime, 85% biznese, në 8 vjetët e qeverisë së vjetër dhe 115 mijë legalizime, 90% shtëpi, në 30 muajt e fundit."
Kryeministri ishte dje në Sherishtë të Vlorës për ndjekjen e punimeve të rrugës së re të Lumit të Vlorës për “të të siguruar bashkë me projektin serioz edhe financimin për këtë segment të ri prej afro 100 kilometrash,” siç u shpreh. Bëhet fjalë për rrugën që nis në autostradën Levan-Tepelenë vijon në Selenicë, Kuç e Qeparo.
