Ministri Cuci- Ben Blushi e teproi, nuk jemi kazan plehrash

Ministri i Shtetit për Çështjet Vendore Bledi Çuçi ka komentuar nga Fieri vendimin e deputetit Ben Blushi për tu larguar nga Partia Socialiste.

“Është e drejtë e tij, nëse mendon se axhenda e mazhorancës dhe PS në mënyrë më specifike nuk përputhet me vizionin e tij politik, është e drejtë e tij për të zgjedhur rrugët e tij se si do kontribuojë në politikën shqiptare, apo në sektorin publik me idetë dhe vizionin që ai ka”, - tha Çuçi.

Mbi komentin e Blushit se tashmë Rilindja është kthyer në një kazan plehrash”, ministri thotë se kjo është e tepruar.

“Sigurisht që e ka tepruar, pa diskutim që po. Në lidhje me ligjin që u miratua, u them një gjë, është në funksion të ruajtjes së mjedisit, të pastrimit të Shqipërisë. Mos ishte ai biznes do kishim 120 mijë tonë plehra më shumë nëpër Shqipëri”.