Presidenti Nishani i kërkon kreut të SHISH formularin e dekriminalizimit
Presidenca është institucioni përgjegjës për grumbullimin, administrimin dhe verifikimin e formularëve të vetëdeklarimit të zyrtarëve në kuadër të ligjit të Dekriminalizimit.
Kështu, Presidenti Nishani i ka dërguar një shkresë disa institucioneve dhe zyrtarëve në vend që të dorëzojnë pranë Presidencës formularin ku ka deklaruar të dhënat e tyre.
Një nga këto shkresa i ka shkuar kreut të Shërbimit Informativ Shtetëror Visho Ajazi Lika, të cilit Presidenti i kërkon që të dorëzojë formularin e vetëdeklarimit, shkruan sot gazeta ‘Shqiptarja.com’.
Në këtë shkresë, kreu i SHISH thirret për verifikim nga Presidenti Nishani. Gjithashtu, një shkresë e tillë i është dërguar edhe kryeprokurorit Adriatik Llalla, Sekretarit të Përgjithshëm të Ministrisë së Punëve të Jashtme, Gjykatës Kushtetuese, Gjykatës së Lartë, Sekretarit të Përgjithshëm të Ministrisë së Mbrojtjes etj.
