Pranimi i pagesave në dorë, Vasili: Fermerët jo më pre e sekserëve

Kryetari i Grupit parlamentar të LSI-së, Petrit Vasili, e cilëson pranimin e pagesave në dorë për shit-blerjet e prodhimeve bujqësore, një ndihmë tejet të madhe për fermerët.

"Propozimi ynë ishte vullneti i fermerëve. Fermerët nuk do të jenë më pre e sekserëve”, tha Vasili në një prononcim për mediat. Duke e vlerësuar sektorin e bujqësisë si jetik për ekonominë shqiptare, ai theksoi se fermerëve u hiqet pengesa në shitjen e prodhimeve bujqësore.