Mariupoli i rrethuar nga ushtarët rusë dhe ukrainasit në radhë për ushqim
Teksa përpjekjet për të krijuar korridore humanitare dhe armëpushime të përkohshme dështojnë, disa furnizime me ushqime dhe ilaçe kanë mbërritur në Mariupolin e rrethuar nga forcat ushtarake ruse.
Në pamjet e publikuara nga BBC, më shumë se 100 njerëz presin në radhë për shpërndarjen e kutive me ushqime nga një kamion.
Nëna e dy fëmijëve, Angelina, tha se ka marrë bukë dhe ushqim, duke shtuar se ndihej me fat që arritën furnizimet në kohë.
"Vështirë të largohesh me autobus tani. Shpresojmë që të ulet numri i njerëzve që përpiqen të dalin nga këtu që ta kemi më të lehtë më pas për tu larguar."-tha ajo.
