Zelensky: Ua kemi prishur planet rusëve, jemi në avantazh
Presidenti ukrainas Volodymyr Zelensky ka mbajtur së fundmi një tjetër fjalim përpara qytetarëve të tij. “Ne i kemi rezistuar dhe i kemi zmbrapsur me sukses sulmet e armikut. Luftimet vazhdojnë në qytete dhe rajone të ndryshme të vendit tonë”, tha ai në një video-mesazh
Zelensky konfirmoi se Kievi dhe qytetet kryesore rreth tij ishin ende nën kontrollin e ushtrisë. “U kemi prishur planet. Ata nuk kanë asnjë avantazh ndaj nesh”, bëri të ditur kreu i shtetit ukrainas.
Më tej ai tha se Rusia ka goditur zonat e banuara me raketa: “Shkatërrimi nga raketat dhe artileria e ndërtesave të banimit është argumenti përfundimtar që bota të jetë pranë nesh në ndalimin e pushtimit të pushtuesve”.
Ai tha gjithashtu se Ukraina ka fituar anëtarësimin e saj në Bashkimin Evropian. “Tani ka ardhur momenti vendimtar për t’i dhënë fund diskutimeve shumëvjeçare” për anëtarësimin e Ukrainës në bllok.
Zelensky u bëri thirrje përsëri ukrainasve që t’i rezistojnë pushtimit rus. “Çdo ukrainas duhet të ketë parasysh një gjë: nëse mund të ndaloni dhe shkatërroni pushtuesit, bëjeni. Të gjithë ata që mund të kthehen në Ukrainë, kthehuni për të mbrojtur Ukrainën”, tha presidenti.abcnews.
