Pas infektimit të zëdhënëses/ Joe Biden rezultoi negativ të dielën
Presidenti amerikan Joe Biden, ka rezultuar negativ në testin për COVID-19 të dielën, tha një zëdhënëse e Shtëpisë së Bardhë të hënën në mëngjes ndërsa ai fluturoi nga Roma në Skoci për një samit të madh të klimës, shkruan DailyMail.
Karine Jean-Pierre, zëdhënësja, tha se testi PCR ishte një test rutinë i marrë si pjesë e kërkesave të hyrjes për pjesëmarrje në konferencën në Britani.
Kjo u zbulua disa orë pasi sekretarja e shtypit e Shtëpisë së Bardhë Jen Psaki, njoftoi se kishte rezultuar pozitive për virusin.
Psaki, 42 vjeç, e cila është e vaksinuar me dy dozat, tha se kontaktin e fundit e kishte me presidentin të martën dhe të dy u ulën më shumë se 6 metra larg njëri-tjetrit ndërsa mbanin maska.
“Ndërsa nuk kam pasur kontakte të ngushta personalisht me presidentin apo anëtarët e lartë të stafit të Shtëpisë së Bardhë që nga e mërkura – dhe rezultova negative për katër ditë pas kontaktit të fundit – po zbuloj testin e sotëm pozitiv”, tha ajo, thuhet në një deklaratë.
“Për herë të fundit e pashë presidentin të martën, kur u ulëm jashtë më shumë se gjashtë metra larg njëri-tjetrit dhe mbanim maska”.
