Evropa nuk duhet ta vonojë fondin e rimëkëmbjes, thotë Lagarde
Frankfurt - Evropa nuk duhet të vonojë shpërndarjen e një fondi rikuperimi prej 750 miliardë euro për ekonominë e goditur nga pandemia dhe duhet gjithashtu të diskutojë për të krijiuar një instrument të përhershëm fiskal për bllokun, i tha Presidentja e Bankës Qendrore Evropiane, Christine Lagarde një gazete franceze.
"Qëllimi i Komisionit është që të jetë në gjendje t'i shpërndajë këto fonde në fillim të vitit 2021 dhe ky afat kohor duhet të mbahet," u citua Lagarde nga Le Monde.
"Shpresoj se do të ketë gjithashtu një diskutim në lidhje me një instrument të përbashkët buxhetor për zonën e euros dhe që të pasurohet nga përvoja jonë aktuale," shtoi ajo.
