Shumica e fuqisë mbrojtëse e ofruar nga dozat përforcuese e vaksinave kundër koronavirusit bie pas katër muajsh, thanë Qendrat amerikane për Kontrollin dhe Parandalimin e Sëmundjeve (CDC), duke rritur shqetësimet se disa amerikanë, veçanërisht ata me rrezikshmëri të lartë, do të duhet të marrin një dozë të katërt.

Shtetet e Bashkuara të Amerikës po dalin nga faza akute e pandemisë. Në një intervistë për Financial Times, Anthony Fauci u shpreh optimist për ecurinë e pandemisë dhe thekoi se shumë shpejt do të jenë autoritetet shëndetësore vendore që do të menaxhojnë masat kundër virusit dhe jo më administrata Biden.

Policia greke arrestoi në Kretë shtatë persona të mërkurën në lidhje me vdekjen e dhjetëra njerëzve në një azil privat të të moshuarve në Hania. Të shtatë, të cilët përfshijnë pronarin dhe vajzën e saj, dy mjekë dhe tre infermierë dhe administratë, përballen me akuzat e krijimit të një organizate kriminale.

Të paktën 16 miliardë dollarë të tjerë nevojiten për të mbështetur vendet me të ardhura të ulëta për të trajtuar pandeminë e koronavirusit, deklaroi Organizata Botërore e Shëndetësisë (OBSH).