Vetëm dy ditë pasi ishin martuar, burri ka kërkuar divorcin nga gruaja e tij, pasi kjo e fundit i kishte dalë burrë.

Ngjarja ka ndodhur në qytetin Muh të Indonezisë, teksa dhëndrri 31-vjeçar ka kërkuar divorcin duke e akuzuar edhe për mashtrim “nusen” e tij, e cila në të vërtetë kishte qenë mashkull.

Djali u martua me një “vajzë” 25-vjeçare që e njohu në Facebook, e cila shfaqej me emrin Mita në rrjetin social.

Dy të rinjtë nxituan të martohen dhe kjo bëri që vetëm natën e martesës djali ta merrte vesh se kishte marrë për nuse një burrë.

31-vjeçari tha:

“U takuam për herë të parë për një kafe, nuk kisha dyshuar asgjë dhe u dashurova. Vendosëm menjëherë të martohemi.”

Madje as të pranishmit në dasmë nuk dyshuan në gjininë e nuses, por problemi filloi natën e parë të martesës kur Mita refuzoi të kryente marrëdhënie seksuale.

E njëjta gjë ndodhi edhe një ditë më vonë, dhe pikërisht atë natë 31-vjeçari mësoi mashtrimin, ndërkohë që detajet se si, nuk bëhen me dije.

Pasi u zbulua, Mita u largua pa gjurmë, ndërsa djali e denoncoi për mashtrim dhe kërkoi divorc.

Ndërkohë e vërteta ishte se Mita quhej Adi në të vërtetë dhe ishte mashkull.