Greqia ul çmimet e biletave të transportit publik
Biletat për transportin publik në Athinë dhe Selanik janë më të lira që nga e hëna me një ulje të taksës së vlerës së shtuar, në 13% e hyrë në fuqi, nga 26% që ishte.
Nga tani deri në tetor, udhëtarët mund të blejnë një biletë të vetme për metro, tramvaj, autobus ose trolejbus në Athinë për 1.20 euro, pra më pak se 1.40 euro që ishte, ndërsa e njëjta biletë për autobuzët në Selanik do të kushtojë 0.90 cent krahasuar me 1 euro që ishte deri më sot.
Kostoja e biletave të sezonit gjithashtu do të ulet proporcionalisht.
Uljet u njoftuan muajin e kaluar nga Kryeministri Kyriakos Mitsotakis si pjesë e një pakete që synon t’i japë nxitje, bizneseve të goditura nga pandemia e koronavirusit si dhe të ndihmojnë qytetarët. Ato do të zgjasin deri më 31 tetor.
Greqia vendosi një bllokim në fillim të epidemisë. Vendi pati gjithsej 175 vdekje dhe 2,915 raste të konfirmuara që nga e shtuna. Asnjë rast nuk është zbuluar në pjesën dërrmuese të ishujve grekë, vende kryesore turistike.
