Shkon në 116 numri i të vdekurve nga koronavirusi në Greqi, 3 viktima vetëm sot
Numri i viktimave në Greqi nga koronavirusi arriti në 116 me vdekjen e tre personave që humbën jetën në disa orë.
Një burrë 66-vjeçar nga Serres, i cili ishte shtruar në spital në ICU Covid-19 në spitalin “Agios Dimitrios” në Selanik, vdiq i fundit. Ai raportohet se nuk vuante nga ndonjë sëmundje themelor
Ndërkohë një 74-vjeccar vdiq mesditën e sotme në spitalin AHEPA, ku po kurohej. Edhe për 74-vjeçarin raportohet se nuk vuante nga një sëmundje themelore.
Më herët, është raportuar për vdekjen e një gruaje 67-vjeçare e cila ishte e shtruar në spitalin Papanikolaou. Ajo raportohet se vuante nga mbipesha e cila përkeqësoi ndjeshëm shëndetin e saj.
