Itali, Ambasada shqiptare nis shërbimin e pasaportave biometrike
Ambasada e Republikës së Shqipërisë në Romë njoftoi qytetarët se duke filluar nga data 1 qershor 2020, dokumentet biometrike (pasaporta dhe karta e identitetit) do të tërhiqen vetëm nëpërmjet korrierëve postarë, duke i njoftuar paraprakisht në adresën email: konsullore.rome@mfa.gov.al
Sipas ambasadës, korrieri duhet të pajiset me:
1 Autorizimin e firmosur për tërheqjen shoqëruar nga kopja e dokumentit tuaj të identifikimit.
2.Kuponin e aplikimit që keni marrë në Ambasadë.
Adresa e ambasadës është:
Ambasciata della Repubblica d'Albania
Via Asmara 3
00199 Roma
Italia
Po ashtu, Ambasada e Republikës së Shqipërisë në Romë tha se duke filluar nga data 3 qershor 2020 do të rifillojë shërbimi konsullor për praktika që kërkojnë praninë e qytetarëve në sportele.
Për shkak të Emergjencës COVID 19, të gjitha takimet e periudhës 11 mars - 30 qershor 2020, për shërbimet që kërkojnë paraqitje në sportel, do të fiksohen data të reja, për të cilat do të njoftohen të gjithë qytetarët e interesuar në adresën e-mail nga ku kanë aplikuar.
Nuk nevojitet të aplikohet sërisht për të kërkuar takim!
Në të njëjtën mënyrë do të njoftohen për datën e takimit edhe qytetarët që kanë kryer kërkesa të reja në portalin Shërbimi Konsullor Online https://www.punetejashtme.gov.al/sherbimet-konsullore-onli…/
Të gjitha shërbimet do te kryhen vetëm me takim të caktuar nga nëpunësi i Zyrës sonë Konsullore!
Në mbrojtje të shëndetit publik dhe në zbatim të legjislacionit të Emergjencës COVID 19, ftojmë që prania e qytetarëve në mjediset e Ambasadës të jetë përputhje me DPCM në fuqi, duke respektuar rregullat e parashikuara që nga distancimi fizik dhe mbajtja e maskës, ashtu edhe matja temperaturës, në hyrje për në Zyrën e Shërbimit Konsullor.
Lutemi të respektohet me përpikmëri orari i takimit të caktuar në njoftimin që merrni me e-mail.
Ftojmë qytetarët të ndjekin në vijmësi faqet tona: https://www.ambasada.gov.al/italy/ https://www.facebook.com/AmbasciatAlbania/
Për çdo përditësim lidhur me shërbimet tona do të informoheni përmes këtyre faqeve në kohë reale," ka përfunduar Ambasada shqiptare në Itali.
