Zjarri përfshin Noterinë në Lezhë, dyshohet se janë dëmtuar dokumente me rëndësi
Rreth orës 4 të mëngjesit të së mërkurës është përfshirë nga flakët, zyra e noterit Vasil Martini në qendër të qytetit të Lezhës, njofton gazetari i SYRI TV, Martin Marku. Menjëherë kanë mbërritur forcat zjarrfikëse të cilat kanë bërë të mundur shuarjen e flakëve. Si pasojë e këtij zjarri mendohet të jenë djegur dokumente mjaft të rëndësishme. Dyshimet e para janë që flakët të jenë shkaktuar nga një shkëndije elektrike.
Policia e Lezhës njoftoi paraprak se: "Në orët e para të mëngjesit, në qytet Lezhë, në ambientet e brendshme të zyrës noteriale në pronësi të shtetasit V.M. 56 vjeç, banues në Lezhë, ka rënë zjarr. Nga kqyrja paraprake, administrimi i të dhënave dhe pyetja e personave që kanë dijeni për gjithë dokumentacionin që ndodhej në zyrën noteriale në momentin e rënies së zjarrit, konfirmohet se ka dëme të konsiderueshme dokumentacioni, por janë dokumentacione që mund sigurohen përsëri.
Vazhdojnë veprimet hetimore në bashkëpunim me ekspertë dhe Prokurorinë e Rrethit Gjyqësor Lezhë për përcaktimim e shkakut të djegies dhe dokumentimin e plotë të ngjarjes," përfundon njoftimi.
LEXO TE NGJASHME