Përhapet shumë shpejt, zbulohen rastet e para me nënvariantin e ri të Omicron në Itali
Nënvarianti i Omicron i quajtur BA.2 tashmë ka mbërritur edhe në Itali . Autoritetet bëjnë me dije se varianti i ri është po aq i shpejtë në përhapje, por nuk është ende e qartë nëse është më pak agresiv ose jo. Mediet italiane ndër të tjera bëjnë me dije se varianti i ri BA.2, nuk është “motra” e vetme e Omicron, pasi deri më tani nga testimet kanë rezultuar dhe nënvariantet BA.1 dhe BA.3 , siç tregohet nga bazat e të dhënave të mëdha që ruajnë sekuencat e virusit SarsCoV2, si NextStrain dhe Gisaid.
Ndërkohë ekspertët kanë theksuar faktin se BA.2 nuk ka gjasa të gjenerojë një valë të re përhapjeje, por vetëm të valëzojë valën aktuale ose të ngadalësojë zbritjen e kurbës së epidemisë. Nga tre versionet e Omicron, BA.1 është më i përhapuri në vendet ku mbërriti, ai shpejt la mënjanë variantet para-ekzistuese dhe në ato vende ku Omicron zëvendësoi Delta-n dhe që nga 17 janari kishte një prevalencë të vlerësuar prej 95.8%.
BA.2 u raportua fillimisht në Indi dhe më pas në Filipine , Singapor dhe Japoni duke u përhapur në destinacionin e radhës që është Evropa ku para Italisë prezenca e tij është zbuluar në Danimarkë dhe më pas në Britaninë e Madhe dhe Gjermani./Burimi "ABC News"
