Gjysma e studentëve të vaksinuar/ Në universitetin e Tiranës vijon vaksinimi dhe mësimi në auditore
Me përjashtim të ditës së parë të vitit të ri akademik ku pati mosmarrëveshje mes studentëve dhe stafeve të fakulteteve, në vijim rektori I Universitetit të Tiranës Artan Hoxha thotë për Top Channel se situata është normalizuar.
Ndërkaq pranë institucioneve të arsimit të lartë vazhdojnë të jenë pikat e vaksinimit me stafin mjekësor në gatishmëri për studentët e pavaksinuar.
Artan Hoxha: Gjatë kësaj periudhe janë vaksinuar 400 studentë. Më të vaksinuarit janë te Fakulteti I Ekonomisë, i Drejtësisë, Shkencave sociale . Më pak ka fakulteti i gjuhëve të huaja.
Sipas vetëdeklarimit të studentëve rezulton se në Universitetin e Tiranës më shumë se gjysma e tyre të jenë vaksinuar.
Artan Hoxha: Mendojmë se është mbi 50% për shkak se përveç javës së parë, nuk u kemi kërkuar në mënyrë këmbngulëse të paraqesin vërtetimin e vaksinimit
Pjesa më e madhe e studentëve të pavaksinuar, deklaron rektori Hoxha kanë kaluar covidin dhe kanë paraqitur testin e antitrupave, si dhe një grup studentësh ka vërtetim nga mjeku me arsyen pse nuk mund ta kryejnë vaksinën. Por ka dhe student që dorëzojnë testin pcr negativ.
Sinkron Artan Hoxha: Brenda këtyre mundësive përpiqemi të tregohemi tolerant që asnjë student të mos rrezikojë vitin akademik.
Përgjatë tre javëve të vitit akademik 2021-2022 bie në sy pjesëmarrja e lartë e studentëve në auditorë.
Artan Hoxha: Mesa duket ju ka munguar auditori studentëve, e shohim një fluks të tyre më të madhe se para pandemisë. Ndaj ju bëj thirrje që për të vazhduar me këtë proces mësimi të zbatojmë masat dhe të vaksinohemi!
