“Fshati” në mes të Tiranës/ Panairi me ushqimet bio dhe prodhimet tradicionale
Një atmosferë e gëzueshme ndihet në sheshin Skënderbej me organizimin e panairit “shijo produktet lokale” ku marrin pjesë më shumë se 200 biznese me qëllimin e promovimit të produkteve të fshatit.
Veç produkteve ushqimore të freskëta e të sezonit si hurma e shega, një vëmendje të veçantë u është kushtuar punimeve të dorës si dhe veshjeve popullore si kjo që kam veshur unë që është e zonës së Tiranës.
“Unë jam e apasionuar pas veshjeve popullore dhe i sjell në miniaturë të vendosura në kornizë. I pëlqejnë shumë turistët por edhe shqiptarët.”
Panairi tërhoqi vëmendjen e turistëve të huaj, të cilët sheshin Skënderbej e kanë të planifikuar si pikë ndalimi. Hans dhe Moni, çifti gjerman me plot kureshtje ndalej të provonte produktet shqiptare.
“Shumë e mirë dhe e ëmbël.
Vërtet e shijshme!”
Edhe të rinjtë shqiptarë patën kuriozitet për panairin i cili do të zgjasë nga 22 tetori deri në 24 tetor.
