Berisha : Arrestimi i Nanos ishte gabim

Ish-kryeministri Sali Berisha, ka folur për aktivitetin e tij politik dhe situatës politike në Shqipëri.

I pyetur për Fatos Nanon dhe arrestimin e tij, Berisha pranoi për herë të parë se arrestimi i tij ishte i gabuar. “Dosjen e Fatos Nanos e kishte përgatitur vetë PS-ja në pushtet. Unë nuk them se ishte fajtor apo jo, sepse është çështje gjykate, por arrestimi i tij në atë kohë në avancë ishte një hap shumë i gabuar që në mënyrë kategorike s’kishte të bënte me Sali Berishën. Por Sali Berisha përgjegjësisë nuk i ikën, nuk thotë se nuk isha president. Unë isha president dhe ajo ndodhi”, thotë Berisha.