Dëshironi jnë iPhone apo një Android? Një phablet me një ekran gjigant, apo një telefon modest xhepi? Shqetësoheni për cilësinë e kamerës, apo jeni në rregull me diçka të thjeshtë. Ekspertët sugjerojnë këto pesë modele.

iPhone X
“iPhone X” përdor sistemin e njohjes së fytyrës për të identifikuar zotëruesin dhe jo gjurmën e gishtit. “Apple” thotë se “FaceID” mund të funksionojë edhe në errësirë, duke përdorur 30 mijë pika infra të kuqe për të kontrolluar identitetin dhe është shumë më i vështirë të manipulohet, krahasuar me sistemin e vjetër “TouchID”.

Ky është “smartphone” më i shtrenjtë i “Apple” deri më tani. Një model me kapacitet 64 GB do të kushtojë 999 dollarë kur të dalë në shitje më 3 nëntor, ndërsa versioni 256 GB do të ketë një çmim prej 1.149 dollarësh. “Iphone X” është një investim afatgjatë i “Apple” dhe përcakton trendin e gjeneratës së re të “iPhone”-ve.

iPhone 8 dhe 8Plus
Kompania zbuloi në shtator iPhone 8 dhe 8 Plus, që janë të parët që kanë edhe opsionin e karikimit “wireless”.

“Smartphone”-t e rinj kanë xham edhe në pjesën e pasme dhe procesorë më të shpejtë, sensorë të përmirësuar të kamerave dhe altoparlantë më të fuqishëm sesa modelet e mëparshme. “iPhone”-t e rinj koinçidojnë edhe me prezantimin e “IOS 11”, versioni më i fundit i sistemit operativ të “Apple”.

Samsung Galaxy S8 dhe S8 Plus
Si të gjithë telefonat popullorë që u lançuan në 2017 dhe ekranet e Galaxy S8 dhe S8 Plus janë me cepa ekrani të lakuar. Por më e mira e këtij modeli është se ka një software më të thjeshtë krahasuar me modelet e mëparshme Galaxy.

Google Pixel 2 dhe 2XL
Pixel 2 nuk është shumë larg nga rrënjët e 2016, përsa i përket dizajnit. Atë vit kompania arriti të prodhonte një produkt me pamje mjaft të mirë, një gjë e rrallë në botën e smartphone. Telefoni doli në shitje më 17 tetor dhe kushton 649 dollarë.

OnePlus 5T
OnePlus 5 ka një ekran 5.5 polsh me lexues të gjurmëve dixhitale. Karakteristika të tjera janë procesori Snapdragon 835 i Qualcomm, i njëjti me atë të Galaxy S8 të Samsung dhe HTC U11, 8 GB Ram dhe 64 ose 128 GB memorje të brendshme, kamera të dyfishtë 23 megapiksel dhe sensori i përparëm prej 16 megapiksel. Sistemi operativ është Android Nougat, dhe bateria ka kapacitetin 4.000 mAh.